مجرد شي

مجرد شي في قلبي قبل لا اعلن الترحال
كلام بخاطري ودي اقوله وغص به بوحي
ولابي شي ابد منك دقيقه وكلمتين إعجال
كلام آخر حكايتنا وآخر صدقي ووضوحي
تذكر اني خليتك هذاك اللي ولا ينطال
تذكر اني بديتك على نفسي وعلى روحي
تذكر اني سلمتك مفاتيحي معا الأقفال
تذكر اني حبيتك كثر ما اهديتني نوحي

...

سبق وان قلتلك احذر ترى عزي يهد جبال
ولا صدقتني والحين طحت من عالي اسطوحي
رسمتك في خيالي شي ولا حتى طرى عالبال
الين أصبحت لي لا شي وكسرت اقلامي ولوحي
ولاني بندم وبزعل وأحمد الله على كل حال
من الدنيا ابتعلم وبرقى عالي صروحي
ولكن بكره تلقاها وتتبدل بك الأحوال
فلا تستغرب وإعرف تراها دعوة جروحي

التبليغ عن خطأ